საიტი მუშაობს სატესტო რეჟიმში
IRC-მა საჯარო მმართველობის რეფორმასთან დაკავშირებული კვლევების შედეგები წარადგინა
 20/05/2021

მიმდინარე წლის, 20 მაისს ინოვაციებისა და რეფორმების ცენტრმა (IRC), პროექტის "საჯარო მმართველობის რეფორმის გარე მონიტორინგი" დასკვნით ღონისძიებაზე, საჯარო მმართველობასთან დაკავშირებული 10 კვლევის შედეგი წარადგინა.

ღონისძიება IRC-ის დირექტორმა, გიორგი გაბრიელაშვილმა, USAID-ის დემოკრატიის, მმართველობისა და სოციალური განვითარების დირექტორმა ადამ შმიდტმა და საქართველოს მთავრობის ადმინისტრაციის უფროსის მოადგილემ რევაზ ჯაველიძემ გახსნეს. ონლაინ ფორმატის შეხვედრას სამოქალაქო სექტორის, საერთაშორისო ორგანიზაციების, საჯარო დაწესებულებების წარმომადგენლები და სხვა დაინტერესებული პირები ესწრებოდნენ.

დასკვნით ღონისძიებას წინ უძღვოდა შეხვედრების ციკლი, სადაც კვლევის ავტორთა და დაინტერესებულ მხარეთა ჩართულობით დეტალურად ხდებოდა თითოეული კვლევის მიგნებებსა და რეკომენდაციებზე მსჯელობა/დისკუსია. შეხვედრების შედეგად მიღებულმა უკუკავშირმა მნიშვნელოვანი გავლენა იქონია კვლევების ანგარიშების საბოლოო სახით ჩამოყალიბებაზე.

პროექტი „საჯარო მმართველობის რეფორმის გარე მონიტორინგი“ მიზანია ხელი შეუწყოს საჯარო მმართველობის რეფორმის განხორციელების ხარისხის გაუმჯობესებას და წვლილი შეიტანოს საჯარო მმართველობის რეფორმის 2021-2024 წლების სტრატეგიის შემუშავებაში. 

პროექტი USAID-ის დემოკრატიული მმართველობის ინიციატივის (GGI) მხარდაჭერით მიმდინარეობს.

 

სხვა სიახლეები
მონაცემთა დაცვის პროგრამის სრული დანერგვისთვის ერთ-ერთ დაწესებულებად 51-ე საჯარო სკოლა შეირჩა
17.05.2021
მონაცემთა დაცვის პროგრამის სრული დანერგვისთვის ერთ-ერთ დაწესებულებად, ინოვაციებისა და რეფორმების ცენტრმა (IRC) სახელმწიფო ინსპექტორის სამსახურთან თანამშრომლობით, სსიპ გალაკტიონ ტაბიძის სახელობის ქ. თბილისის 51-ე საჯარო სკოლა შეარჩია. IRC-მა სკოლასთან თანამშრომლობა მიმდინარე წლის აპრილიდან დაიწყო.
IRC-მა სახელმწიფო ინსპექტორის სამსახურთან თანამშრომლობით ახალი პროექტი დაიწყო
13.05.2021
2021 წლის აპრილიდან ინოვაციებისა და რეფორმების ცენტრმა (IRC) სახელმწიფო ინსპექტორის სამსახურთან თანამშრომლობით პროექტის “პერსონალურ მონაცემთა დაცვის მაღალი სტანდარტის დამკვიდრება საქართველოში” განხორციელება დაიწყო, რომელიც მხარდაჭერილია გაეროს განვითარების პროგრამის (UNDP) „მმართველობის რეფორმის ფონდის“ პროექტისა და შვედეთის მთავრობის მიერ.